И покрај добро познатите придобивки од редовното консумирање овошје и зеленчук, децата често ги одбиваат овие намирници, иако се преполни со витамини и минерали. Не очајувајте, постојат неколку начини на кои можете да си помогнете.
Во почетокот не паничете бидејќи е вообичаено децата да бидат нервозни и да одбиваат одредена храна. Исто така, вашето дете може да има страв од нова храна, што е минлива фаза. Во меѓувреме, постојат неколку трикови со кои можете да ги промените неговите навики во исхраната.
Лоша идеја е да ги присилувате децата да јадат одредена храна. Ако инсистирате да не стануваат од масата додека не изедат се, ништо нема да постигнете. Само смирено понудете разновидна храна и еден ден детето ќе ја проба. Исто така, внимавајте што зборувате пред него
Бидете упорни
Понекогаш децата мора да ја видат новата храна неколку пати пред да ја пробаат. Еден ден може да одбијат некоја намирница, а друг ден би можела да им се допадне, затоа продолжете да воведувате нова храна. Ако детето не сака моркови и не сака ни да ги проба, понудете му ги повторно по два-три дена. Големи се шансите дека ќе ја проба 15-тиот пат.
Бидете смирени
Лоша идеја е да ги присилувате децата да јадат одредена храна. Ако инсистирате да не стануваат од масата додека не изедат се, ништо нема да постигнете. Само смирено понудете разновидна храна и еден ден детето ќе ја проба. Исто така, внимавајте што зборувате пред него. Ако ве слушне како велите дека е „специфично дете“ затоа што не сака ни да помириса одреден вид храна, детето ќе го сфати тоа како мотивација да продолжи со своите навики.
Направете го овошјето и зеленчукот забавно
Децата ќе јадат храна ако ја поврзуваат со нешто забавно. Обидете се со следниве идеи: Исечкајте ја храната во забавни облици со помош на калапи за колачиња. Играјте ја играта „виножито“, во која го предизвикувате детето да изеде што повеќе шарени плодови во еден ден, запишете го резултатот и прикачете го на фрижидерот со магнет. Украсете ги сендвичите со забавни облици на зеленчук.
Одете заедно на пазар и изберете што да купите. Ова сигурно ќе ги поттикне децата да посакаат да пробаат нова храна
Овошјето и зеленчукот секогаш нека ви бидат при рака
Чувајте чинија со свежо измиено овошје и зеленчук при рака и кажете му на вашето дете дека тоа е храна која може да ја јаде кога ќе посака. Секогаш имајте сечкано овошје во фрижидер за брз, едноставен и здрав појадок. Ставете свеж исечкан зеленчук во чаша за ручек или вечера – децата обожаваат моркови, краставици, пиперки и брокула послужени на овој начин.
Исфрлете ја нездравата храна
Ако вашите деца се опкружени со слатки, колачи, чипсови, тие нема да сакаат да јадат здраво овошје и зеленчук. Запомнете дека вие сте готвачот и ако престанете да купувате нездрава храна, децата ќе престанат да ја јадат. Бидете им пример на децата. Не очекувајте од нив да се хранат здраво ако ве видат дека го правите спротивното.
Вклучете ги децата во подготовката на храната
Вашите деца ќе се забавуваат помагајќи ви да го исечкате овошјето, а на крајот ќе посакаат и да го пробаат. Нека изберат со кое овошје или зеленчук ќе ја приготвуваат храната. Мотивирајте ги да изберат рецепти кои содржат овошје и зеленчук. Одете заедно на пазар и изберете што да купите. Ова сигурно ќе ги поттикне да посакаат да пробаат нова храна.
