НЕТРПЕЛИВОСТ, ПЦОВКИ,ГРУБО ИГРАЊЕ: Однесување кај децата кое не треба да се игнорира

Колку е постаро детето, толку потешко ќе биде да се промени проблематичниот образец на однесување, затоа обрнете внимание на овие пет работи

Како расте детето учи и нормално е да има проблеми во однесувањето, додека не сфати каде греши. Клучна улога на родителите е да тие проблеми навреме ги забележат и поправат, за да не преминат во навика. Колку е постаро детето, толку потешко ќе биде да се промени проблематичниот образец на однесување, затоа обрнете внимание на овие пет работи:

Прекинување

Децата сакаат постојано да потпрашуваат и да бидат во центарот на внимание, колку тоа и да е симпатично, треба да се научат дека кога разговарате со некого или правите нешто важно, не смее да ве вознемирува. Колку побрзо ќе разбере, тоа пред се ќе му помогне да ја научи контролата на импулсите и способноста да чека, што ќе им користи на долг рок.

Нетрпеливост

Тоа се манифестира на различни начини, но пред се преку изливи на гнев и лутина, кога не можат да го добијат тоа што го сакаат. Нетрпеливоста може да доведе до импулсивност, недостаток на самоконтрола и други социјални проблеми. Затоа обидете се навреме да ги научите како да прифатат „не“ и да го почекаат вистинскиот момент.

Грубо играње

Кај малите деца може да биде безопасно, но од осумгодишна возраст може да премине во навика. Од самиот почеток, бидете остри и строги ако видите дека вашето дете удира друго. Ако продолжат да го прават ова, не се откажувајте, бидете упорни, бидејќи овој тип на однесување има најмногу последици подоцна во текот на растењето.

Недостаток на внимание

Колку пати ви се случило да го повикате детето или нешто да му зборувате, а тоа да не обрнува внимание? Тоа е нормално кога детето е мало и во развој, игнорирањето во тој случај не е намерно, бидејќи селективно внимание се уште не е развиено. Затоа е многу важно да работите на односот со детето и што повеќе да разговарате со него, за да научи да ве слуша и да одговара на вашите зборови.

Пцуење

Нормално е да слушаат пцовки и во домор, но не можете од грди зборови да го заштитите детето, особено во надворешниот свет. Пцовките не треба да се забрануваат, туку треба да се научат децата што тие значат и да не се користат во секојдневниот говор, бидејќи во спротивно, можат да преминат во навика.