Играњето видеоигри кај почувствителните деца може да поттикне смртоносни срцеви аритмии, укажуваат резултатите од ново истражување во кое учествувале 22 деца на возраст од 7 до 16 години, за кои е утврдено дека доживеале суспектна или докажана вентрикуларна аритмија во теко тна играњето видеоигри.
Истражувањето утврдило дека шестмина од учесниците (27%), доживеале срцев застој, а четворица (18%) изненадно починале. Проаритмиската дијагноза на срцето била позната пред играњето кај седум лица (31%), а после тоа е поставена кај 12 (54%). Севкупно, 10, односно 4 деца имале катехоламинегричка вентрикуларна тахикардија и синдром на долг QT интеравал, а двајца пациенти по конгениталната кардиолошка операција имале идиопатска вентрикуларна фибрилација и коронарна исхемија (по Кавасаки болеста). Осум од 13 пациенти (62%) за кои биле познати деталите на видеоигрите, играле игри во војна тематика.
Според мислењето на експертите, видеоигрите може да претставуваат сериозен ризик за некои деца со аритмични состојби и може да бидат фатални кај пациенти со предиспонирачки, но често претходно непрепознаени аритмични состојби.
