Додека научниците собираат повеќе податоци за суперсојот на коронавирус, еден загрижувачки знак е дека омикрон би можел да ги заразува децата со поголема стапка од порано.
Нешто се промени во врска со вирусот што сега ги погодува децата под пет години, а ние не знаеме што е тоа, вели проф. Кристина Пагел од Универзитетскиот колеџ во Лондон
Податоците доаѓаат од Јужна Африка, каде што варијантата омикрон предизвикува ненадеен 4. бран. Нивната демографија е различна од Велика Британија, каде што полека се шири оваа варијанта на коронавирус, и затоа во оваа фаза не е јасно како варијантата би можела да се однесува од земја до земја.
Сепак, британските експерти велат дека се работи за „потенцијално големо прашање со кое треба да се соочиме“.
Децата до сега главно не беа погодени од вирусот, само страдаа од блага болест во најголем дел од случаите. Во оваа фаза, не е јасно како појавата на омикрон ќе го промени ова.
Но, вообичаените симптоми на Ковид малку се променија низ пандемијата како одговор на новите варијанти и вакцините. Д-р Анџелик Коци, претседателка на Јужноафриканската медицинска асоцијација, рече дека главните симптоми на омикрон што ги видела кај младите се:
- Замор
- Болки во телото
- Главоболка
Д-р Коци опиша еден „многу интересен случај“ на шестгодишно девојче кое имало „температура и многу висок пулс“. Овие може да бидат знаци на кои треба да внимавате кај вашето дете – иако ова сепак е само еден анегдотски случај.
Нцакиси Малулеке, специјалист за јавно здравје во провинцијата Гаутенг, изјави за Ројтерс дека многу пациенти пријавуваат „неспецифични“ симптоми слични на грип како чешање на грлото. Г-ѓа Малулеке ги повика родителите да не ги сфаќаат лесно симптомите слични на грип и да се тестираат.
Но, таа уверува дека децата имаат „лесна болест“.
Имаше одредено несовпаѓање околу тоа дали новата варијанта предизвикува блага или тешка болест кај децата во Јужна Африка. Д-р Рудо Матива, од академската болница Крис Хани Барагванат, Совето, сугерираше дека децата се поболни од порано. Таа тврдеше: „Сега ги гледаме како доаѓаат со умерени до тешки симптоми на кои им е потребен дополнителен кислород, им треба супортивна терапија, треба да останат во болница доста денови“.
NHS ги наведува трите главни симптоми на Ковид кај децата и возрасните како:
- висока температура;
- нова, континуирана кашлица – тоа значи кашлање многу, повеќе од еден час, или 3 или повеќе епизоди на кашлање во 24 часа;
- губење или промена на сетилото за мирис или вкус.
Експертите за апликацијата ZOE Covid Symptom Study ги повикаа родителите да бараат други вообичаени знаци кај децата, вклучувајќи:
- замор
- главоболка
- треска
- воспалено грло
- губење на апетит
Децата до сега главно не беа погодени од вирусот, само страдаа од блага болест во најголем дел од случаите. Во оваа фаза, не е јасно како појавата на омикрон ќе го промени ова
Деца со поголем ризик
Доказите кои доаѓаат од Јужна Африка сугерираат дека болниците гледаат неочекувано голем број млади пациенти со Ковид. Повеќе деца под петгодишна возраст се примени во болниците во Јужна Африка отколку кога било досега за време на пандемијата, велат здравствените власти.
Иако во оваа многу рана фаза не е јасно дали децата се поподложни на овој сој, експертите велат дека тоа е можно. Но, тоа може да биде и затоа што на децата и на помладите возрасни не им е понудена вакцината против Ковид-19 во мера која им е понудена на возрасните. Децата на возраст од 12 години и помали не се квалификуваат за вакцинација во Јужна Африка.
Проф. Кристина Пагел, математичар и професор по оперативно истражување на Универзитетскиот колеџ во Лондон, рече дека не мисли дека трендот е резултат на програмата за вакцинација, бидејќи стапките се ниски во сите возрасни групи.
„Тие немаат вакцинирано многу луѓе во Јужна Африка (од сите возрасти) и не се повеќе деца во споредба со возрасните. Во овој бран има повеќе деца во споредба со претходниот бран. Тие гледаат многу повеќе деца во болниците отколку порано.
„Но, тоа е загрижувачко. Нешто се промени во врска со вирусот што сега ги погодува децата под пет години, а ние не знаеме што е тоа“.
Даунинг стрит рече дека „нема цврсти докази“ кои сугерираат дека децата се полошо погодени од варијантата омикрон. Тоа следеше по извештаите од Тшван во Јужна Африка дека децата на возраст под две години сочинуваат околу 10 отсто од вкупните приеми во болница со оваа варијанта. (The Sun)
