Веројатноста дека пушачите ќе завршат на лекување во болница поради последици од Ковид-19 е 80 проценти поголема отколку кај непушачите, а значително е поголема и веројатноста дека ќе умрат од последиците од болеста за разлика од оние кои не пушат, покажало новото истражување.
Студијата исто така покажала дека луѓето што пушат од една до девет цигари имаат двојно поголема веројатност од смртен исход од Ковид-19 отколку непушачите, а оние што пушат 10 до 19 цигари имаат шест пати поголема веројатност да завршат фатално. Кај тешките пушачи ризикот е уште поголем
Студијата, спроведена под водство на научници од Оксфорд, е прва што анализирала и опсервациски и генетски податоци за пушењето и коронавирусот. Досега, велат експертите, имаше спротивставени податоци за тоа до која мера пушењето влијае на хоспитализацијата поради Ковид-19.
Во истражувањето биле вклучени 412.469 луѓе. Меѓу нив, 1.649 лица биле позитивни на Ковид, 968 биле примени во болница, а 444 починале.
Повеќето, или 57 проценти од вкупниот број на учесници во студијата никогаш не пушеле, 37 проценти биле поранешни пушачи, а четири проценти од учесниците во студијата пушеле за време на траењето на студијата.
Меѓу вторите, мнозинството или 71 проценти од учесниците во студијата биле умерени пушачи (до 19 цигари дневно), а останатите 29 проценти биле тешки пушачи (20 или повеќе цигари).
Резултатите покажале: Поголем ризик од хоспитализација и смрт
Резултатите покажале дека во споредба со оние кои никогаш не пушеле, кај сегашните пушачи ризикот од хоспитализација поради Ковид-19 изнесувал 80 проценти.
Студијата исто така покажала дека луѓето што пушат од една до девет цигари имаат двојно поголема веројатност од смртен исход од Ковид-19 отколку непушачите, а оние што пушат 10 до 19 цигари имаат шест пати поголема веројатност да завршат фатално. Кај тешките пушачи ризикот е уште поголем.
- „Резултатите од студијата ја поддржуваат причинско последичната врска помеѓу пушењето и ризикот од развој на тежок Ковид“, наведуваат авторите во студијата објавена во списанието „Торакс“
„Нашите резултати укажуваат на тоа дека пушењето е поврзано со ризик од развој на тежок Ковид, исто како што влијае на здравјето на срцето, развојот на разни видови тумори и сите други состојби со кои е поврзано пушењето“, рече водачот на студијата д-р Ешли Клифт, додавајќи дека „сега е вистинско време да одлучите да се откажете од пушењето“, пренесува „Хина“.
