Мајките кои објавуваат снимки од нивните бебиња како им ги дупнуваат ушите, повторно ја актуелизираа дебатата дали тоа воопшто треба да им се прави на малите деца. Последниот таков случај е на мајката Кристи Болтон која го држи своето бебе во скут, и кое скока и плаче откако со „пиштол“ и е дупнато увцето.
Снимката кружи на социјалните мрежи, а постот ги подели луѓето. Некои сметаат дека постапката е сурова, други сметаат дека е слатка.
Дупнувањето на ушите не е нешто што мора да го направите, и како родител треба да бидете свесни за ризикот. Исто така, знајте дека правите нешто на вашето дете за кое немате согласност и тоа има многу мала корист за него. Од медицинска гледна точка, до шестиот месец ризикот од инфекција е поголем, а до третиот месец вие само барате потенцијални проблеми
Дупнувањето на ушите на детето е избор на секој родител, како и на која возраст ќе го направат тоа. Меѓутоа, пред да донесете одлука, добро е да се информирате за некои работи кои би требало да ги земете предвид.
Педијатарот д-р Рави Џајарам за „The Sun“ вели дека секој зафат на кожата носи ризик од инфекција, и има неколку причини зошто тој ризик е повисок за бебињата.
„Прво, нивниот долен дел на увото е помал и полесно е да се направи дупче на погрешно место. Второ, бебињата често бљуцкаат, па затоа се малку повлажни. И трето, нивниот имунолошки систем не е доволно силен, па ако се појави инфекција може да се прошири побрзо и да предизвика други потешкотии“, посочува тој.
Д-р Џајарам предупредува дека кај бебињата не постои ризик само од локална инфекција, која може да предизвика црвенило, болка, оток и лузни, туку и од системска инфекција.
„Во првиот месец од животот, постои поголем ризик локална инфекција да влезе во системот и да стане системска. Бактериите како стафилококите живеат на кожата, а ако навлезат во организмот, последиците може да бидат сериозни“, додава тој.
Но, ако веќе сте одлучиле да ги дупнете ушите на детето, важно е да одите на стерилно и проверено место, предупредува докторот.
- Тој истакнува дека ризикот е помал доколку се почитуваат хигиенските стандарди и се користи стерилен прибор, но тој сепак постои
„Дупнувањето на ушите не е нешто што мора да го направите, и како родител треба да бидете свесни за ризикот. Исто така, знајте дека правите нешто на вашето дете за кое немате согласност и тоа има многу мала корист за него. Од медицинска гледна точка, до шестиот месец ризикот од инфекција е поголем, а до третиот месец вие само барате потенцијални проблеми“, заклучува докторот.
