Том Хенкс повторно успеа да ја одушеви јавноста со своите добри дела Тој му напишал писмо на момчето кое било исмејувано поради името Корона, за да се чувствува подобро.
Осумгодишното момче Корона Де Вриес, кога дознал дека Том Хенкс и неговата сопруга биле заразени, решило да му испрати писмо на глумецот. Го прашал како се чувствува, но и му раскажал дека другарите во училиште го исмејуваат и го викаат “коронавирус“.
“Слушнав на вести дека Вие и Вашата сопруга имате коронавирус. Дали сте добро?“, го започнал Корона своето писмо.
Глумецот се воодушевил на писмото кое го добил и се потрудил да му докаже на момчето колку името му е единствено и посебно.
“Знаеш, ти си единствената личност која ја познавам, а која се вика Корона – тому како прстенот околу сонцето, како круна“, му објаснил Том Хенкс.
На крајот од писмото, кое му ја вратило насмевката на лицето на момчето, Хенкс рачно му напишал: “Јас сум ти пријател“.
