Потребно:
За филот:
- 300 г шеќер
- 300 мл млеко
- 300 г мелен мак
- 100 г мелени бисквити
- 250 г путер
- За глазурата:
- 150 г бело чоколадо
- 4 лажици масло
И уште:
- 1 пакување розен кори (се користат 7 кори)
Подготовка: Ставете го млекото во тенџере и додадете шеќер и загревајте додека не зоврие. Додадете го мелениот мак, намалете ја температурата на средна и гответе околу 3 минути, мешајќи постојано. Додека смесата е сè уште топла, додадете го путерот и добро измешајте додека целосно не се растопи. Потоа додадете ги мелените бисквити и измешајте. Оставете го филот малку да се олади и да се згусне неколку минути. Намачкајте дел од топлиот фил врз првата розен кора – околу една лажица по кора. Повторете го процесот додека не ги потрошите сите седум кори и филот. Покријте го готовиот колач со проѕирна фолија. Ставете табла, тешка книга или лесна тежина одозгора за корите убаво да се залепат со филот. Оставете го колачот во фрижидер преку ноќ. Следниот ден, растопете го белото чоколадо и маслото на тивок оган. Кога глазурата малку ќе се олади, прелијте ја врз колачот и вратете го во фрижидер да се стегне. Добар апетит!
