Откако Американската агенција за храна и лекови (ФДА) објави дека не се безбедни, следеше предупредување за родителите да престанат да користат синџирчиња од килибар кои наводно ја ублажуваат болката за време на избивање на забчињата. Причина за испитување на ова синџирче биле неколку спорни случаи, од кои два се случиле неодамна во краток временски период.
Имено, 18 месечено дете со вакво ланче неодамна се задавило за време на спиење, додека едно седуммесечно бебе речиси се заушило од топчињата на дрвена алка за истата намена, иако било под надзор на родителите, известува ФДА.
Родителите често посегаат за ваквите синџирчиња и алки за да ги ублажат непријатностите кои се јавуваат за време на избивање на бебешките заби, а поради што децата понекогаш се нервозни и плачливи. Се смета дека овој накит може да им помогне во овој период, односно бебето има нешто што може да џвака и така да ги поттикнува забите полесно да избијат.
Таквиот накит инаку го користат и деца со посебни потреби како што се аутизам или пореметување на недостаток на внимание или хиперактивност, за сензорна стимулација.
Меѓутоа, ФДА предупредува дека синџирчињата ги доведуваат децата во опасност од повреда или смрт.
