Бебињата кои се раѓаат порано, пред очекуваниот термин, кои имаат здравствени проблеми или поминале тешко раѓање, одат на Одделот за неонатална интензивна нега во болницата, популарно наречен NICU, што е кратенка за „единица за интензивна нега за новороденчиња“, каде што се под деноноќен надзор и нега од тим на стручњаци.
Колку долго ќе останат – зависи од нивната здравствена состојба. Некои бебиња ќе останат само неколку часови или денови, додека други ќе останат со недели или месеци.
Никој не е подготвен на предвремено породување, престојот на неонатална интензивна не е дел од ничиј план за раѓање. Едноставно се случува, а кога ќе се случи, најбитна е негата и тимот на лекари кои ќе се погрижат вашата приказна да има среќен крај.
На тема најчести компликации кај предвремено родени деца и доаѓање дома во новото издание на подкастот „Ваш педијатар“ разговараме со примариус д-р Душко Фидановски, доктор на медицински науки, специјалист педијатар – неонатолог и еден од основоположниците на првото Одделение за неонатална интензивна терапија на Клиниката за детски болести.
