Постојат денови во мајчинството кои се исцрпувачки, гласни и целосно хаотични. Денови кога немаш време ниту кафето да го испиеш додека е уште топло, кога си поуморна отколку што си мислела дека човек може да биде и кога се прашуваш дали правиш сè доволно добро.
Но, тогаш ќе се случи нешто мало.
Оној поглед пред спиење. Прегратка без причина. Првиот пат кога ќе слушнеш „мама“. Или моментот кога твоето дете ќе потрча кон тебе како да си целиот негов свет.
И токму тие моменти остануваат засекогаш.
По повод Денот на мајката, се потсетивме на некои од најубавите моменти што ги носи мајчинството — од првите денови со бебето, па сè до големите животни мигови кога ќе сфатиш колку твоите деца навистина пораснале.
- Првиот пат кога ќе го земеш бебето во своите раце.
- Првиот пат кога бебето ќе те препознае и ќе ти се насмевне.
- Моментот кога новороденчето првпат ќе го фати твојот прст.
- Првата вистинска смеа. И секоја следна после неа.
- Да бидеш покрај своето дете за сите големи развојни пресвртници во првата година — првото превртување, лазење и проодување.
- Првиот пат кога бебето ќе те нарече „мама“.
- Мирисот на новороденче.
- Уживањето во целосната тишина додека бебето спие во твоите раце.
- Првиот пат кога детето ќе преспие цела ноќ, а ти ќе се разбудиш одморена.
- Утринските прегратки! И вечерните прегратки!
- Моментот кога ќе го фатиш детето како те гледа и ти се насмевнува.
- Првиот пат кога детето ќе ти каже: „Те сакам“.
- Кога ќе ги видиш партнерот и детето како заспале заедно на каучот.
- Оној поглед полн со гордост кога детето првпат самостојно ќе оди во тоалет.
- Првата спонтана и пресмешна фотографија на која детето има урнебесна поза.
- Скокоткањето.
- Кога ќе го слушнеш она мало воздишување додека спијат.
- Првиот цртеж на вашето семејство (кој навистина личи на цртеж).
- Првиот училишен ден.
- Кога случајно ќе слушнеш дека детето те нарекува своја пријателка.
- Мрзеливите денови пред телевизор, гушнати, со пуканки и цртан филм.
- Кога го слушаш детето како ти чита книга на глас.
- Кога детето првпат ќе совлада нешто што отсекогаш му изгледало страшно.
- Летните вечери и гледањето ѕвезди.
- Првиот пат кога детето ќе ти зготви оброк (и навистина ќе биде вкусен).
- Првото запче под перница.
- Сјајот во очите на божиќното утро!
- Првата прегратка меѓу новороденото бебе и постарото дете.
- Отворањето на првиот подарок за Денот на мајката што детето само го направило.
- Кога неговата прва петка на училиште ќе те возбуди повеќе отколку него.
- Кога ќе го гледаш детето како првпат вози велосипед без помошни тркалца, а ти возбудено навиваш од страна.
- Кога повторно ги откриваш едноставните радости во животот — Чоколино, старите играчки, боите на цвеќињата во прошетка, нерасипаниот поглед кон светот…
- Да бидеш сведок на добрината на своето дете. И да сфатиш дека вредностите што си се трудела да му ги всадиш навистина станале дел од него.
- Кога ќе го дочекаш детето дома по долго отсуство (…или по неколку часа).
- Кога тивко ќе им се приближиш додека мирно си играат заедно.
- Навивањето од публиката кога детето ќе ја добие првата награда, диплома или пофалница.
- Кога токму тебе детето ти поставува сто прашања за животот.
- Кога ќе слушнеш дека детето вели дека сака да биде како тебе кога ќе порасне.
- Гледањето како детето се залага за себе или брани друго дете во парк.
- Кога ќе ги однесеш децата на нивниот прв вистински концерт (и кога ќе сфатиш колку всушност си пораснала).
- Кога ќе застанеш покрај своите деца и ќе сфатиш дека се повисоки од тебе.
- Кога детето ќе замине на својот прв работен ден.
- Кога детето првпат ќе те вози со автомобил.
- Кога ќе го погледнеш своето дете и ќе почувствуваш како да гледаш во огледало.
- Сите приредби, матури и дипломирања — од градинка до факултет.
- Кога ќе наздравиш за 18-тиот роденден на своето дете.
- Кога ќе бидеш сведок на првата голема љубов на своето дете.
- Кога ќе присуствуваш на неговата свадба.
- Кога ќе ги слушнеш своите деца, без разлика дали имаат 5 или 50 години, како ти велат: „Благодарам“. И кога ќе знаеш дека навистина го мислат тоа.
- Кога првпат ќе го држиш своето внуче во раце и ќе сфатиш дека овој драгоцен момент започнал со тебе.
Ова се само 50 од безброј посебни моменти во животот на секоја мајка. И секој од нив вреди засекогаш да се памети.
