Нашиот организам во борбата против вирусите и бактериите, се обидува да изгради што е можно повеќе леукоцити (бели крвни зрнца) кои се борат против непријателот. За да се случи ова, на телото му е потребна енергија, која ја добива со зголемување на температурата.
Што се случува кога на детето му ја спуштаме, односно намалуваме температурата? Ја забавуваме брзината со која телото произведува леукоцити и на тој начин го продолжуваме времето на преболување и опоравување. Родителите треба да го следат детето и да реагираат според тоа како тоа се однесува, а не каков број пишува на термометарот. Некои деца дури и со температура од 39 лежат во кревет без болки и мируваат, и ним треба да им се дава само колку што е можно повеќе течност за да не се дехидрираат и да се остават да ја искористат целата енергија за одбрана на организмот.
Ако детето има покачена температура придружена со треска, треперење, ладни раце и нозе, тоа значи дека температурата се уште расте и треба да се пушти да се зголеми. Телото на детето се обидува да го насочи целиот крвоток кон внатре, да го загрее центарот, а со треска (кога детето се тресе) температурата на телото се зголемува. Во овој случај, треба да се затопли детето и да се остави телото да произведе температура која му е потребна за за борба против болеста.
Во случај да детето има покачена температура и е жешко, се препотува, тоа значи дека телото ја достигнало потребната температура (без разлика на бројот на термометарот – 38°C, 39°C, 40°C). Значи, во тој случај температурата веќе нема значително да расте, а на детето можеме да му помогнеме со тоа што ќе му дадеме што повеќе течности и со туширање со млака вода.
КАКО СЕ НАМАЛУВА ТЕМПЕРАТУРА?
Прво нешто што треба да направите е да го истуширате детето со млака вода. Зошто со млака, а не со ладна? Студената вода дополнително ќе го вознемири детето, а млаката вода е веќе на пониска температура од температурата на телото на детето. Главата на детето има голема површина и со ладење на главата побрзо ќе го оладите телото, затоа туширајте ја и главата и телото.
Туширајте го детето со млака вода 5 до 10 минути во загреана просторија, а потоа добро исушете го и облечете се во чиста и сува облека.
Не го ставајте детето во када, бидејќи водата побрзо ќе се загрева, а тушот постојано ја носи истата температура на вода и рамномерно се лади.
Ако ставате облоги, најдобро е да користите зовриена вода на собна температура. Се покажало дека нема предност во користењето испарливи течности (алкохол) во споредба со обичната зовриена и оладена вода. Водата се преврива за да се отстрани хлорот од неа, кој може да ја иритира чувствителната детска кожа. Може да се користи и дестилирана вода. Облогите ги ставете на градите и стомакот на детето, најдобро памучна пелена натопена во млака вода и лесно исцедена. Над неа ставете сува крпа. Облогот менувајте го на секои 15 минути со половина час, кога целосно ќе се загрее.
- Кога се јавуваат фебрилни конвулзии?
Стравот од фебрилни конвулзии е секогаш присутен кај родителите, но фебрилните конвулзии не настануваат од високата температура туку од брзината на растот како и од падот на температурата. Значи, ако температурата пребрзо се зголеми, скокне од 37 на 39, тогаш може да дојде до фебрилни конвулзии. Може, а и не мора. Исто така, ако температурата падне премногу брзо (на пр. од 39 на 37 степени), повторно може да дојде до фебрилни конвулзии. Значи, и ако нагло ја спуштите температурата на детето со лек, и тоа може да предизвика конвулзии.
Бидејќи не можете да контролирате ниту да предвидите фебрилна конвулзија, доколку дојде до неа, повикајте Брза помош или веднаш однесете го детето на лекар.
КОГА ДЕТЕТО ДА СЕ ОДНЕСЕ НА ЛЕКАР?
Ако се појават фебрилни конвулзии, веднаш однесете го детето на лекар. Исто така, ако сте во паника поради висока температура и не знаете што да правите, можете да посетите педијатар или да му се јавите. Ако само термометарот покажува висока бројка, а детето е свесно, пие течности и комуницира, немојте веднаш да го носите на ургентно. Почекајте ден или два за да видите како болеста напредува. Ако почне да кашла, да чувствува болка во ушите, има дјареа или што било друго, однесете го на преглед.
Не треба да скокате на прва топка и при секоја висока температура веднаш да брзате на лекар. Чекалните се полни со вируси, и вашето дете ќе го изложите на други инфекции во време кога имунитетот му е веќе слаб и се бори со една од болестите.
