Иако мажите денес многу повеќе учествуваат во одгледувањето на децата и помагаат во домот, сепак сето она што спаѓа во домаќинство и емоционално здравје на децата и натаму е обврска која им припаѓа првенствено на жените, неважно дали се вработени или не.
Со сите обврски кои ги има кон семејството, постојаната грижа и штети на менталното здравје на мајката, покажало американско истражување. Научниците таа емоционална посветеност на мајките кон децата ја нарекле невидлива работа, како би можеле да измерат колку и на кој начин постојаната грижа за семејството влијае на здравјето на жената.
Откриле дека невидливата работа е поврзана со чувството на преоптовареност и празнина во секојдневниот живот на жените.
Во истражувањето учествувале 393 жени од средна класа со деца помлади од 18 години. Над 90% од нив изјавиле дека исклучиво тие го организираат семејниот живот, 80% ги водат училишните обврски на децата, комуникацијата со наставниците и професорите, слободните активности, додека две третини од нив рекле дека само тие, а не и татковците, ги исполнуваат емотивните потреби на децата.
Сублимирано, американската студија покажала дека жените на многу начини и натаму се главни и одговорни родители, па дури и ако се вработени со полно работно време.
“Благодарение на мажите, жените денес помалку мораат да работата домашни работи, како перење и чистење, но и натаму во целост се одговорни за функционирањето на домаќинството“, објаснуваат од тимот кој ја спроведувал студијата.
Исто така, истражувањето покажало дека мајката е првата личност која е одговорна за проблемите на децата, што е исклучително тешко и одговорно.
Токму таа невидлива работа чија цел е благодат на децата, директно е поврзана со стресот на мајките, а последично со незадоволството во бракот и генерално во животот, стои во заклучокот на студијата.
