ПОВТОРЕН ЦАРСКИ РЕЗ: Дали има ограничувања?

Секој повторен царски рез е генерално покомплициран од последниот. Сепак, истражувањата не го утврдиле точниот број на повторени царски резови кои се сметаат за безбедни.

Здравствените ризици се зголемуваат со секој нареден царски рез, но некои жени може да имаат шест и повеќе царски резови, без компликации. Лекарите објаснуваат зошто.

Царскиот рез не е операција за која лекарите лесно се одлучуваат. Повеќето мајки кои првиот пат се породиле со царски рез, се прашуваат дали следниот ќе се породат на ист начин. Колку една жена може да раѓа со царски рез, без голем ризик по здравјето?

Секоја жена е поинаква. Некои жени се опоравуваат на сличен начин по секој царски рез, додека на други им е потребно повеќе време, имаат повеќе потешкотии по тој оперативен зафат. Постојат жени кои побрзо се опоравуваат по секој нареден царски рез, вели гинекологот Дејвид Гауси од калифорниската болница Лос Роблес.

Иако е тешко да се каже колку царски резови се премногу, “општо е прифатено дека многу ризици се зголемуваат како се зголемува бројот на царски резови кај една жена“, објаснува Џејсон Џејмс, гинеколог од Мајами.

Таквите ризици може да вклучуваат трансфузија на крв, повреда на мочниот меур и хистеректомија за време на операциијата, а се се зголемува за еден процент по третиот царски рез. Всушност, шанси за хистеректомија имаат речиси девет проценти од жените по шестата операција.

Колку царски рез може безбедно да направат жените?

Потенцијалните проблеми се зголемуваат со секој нов царски рез; неправилно сместена постелка, повреди на цревата или мочниот меур и отворање на лузните на матката. Дотолку повеќе, што ај секоја нова операција може да дојде до создавање на израслини што може да го отежнат породувањето.

Значајни ризици може да бидат и развој на кила (хернија), раздвојување на стомачните мускули ( Diastasis recti), трнење и болка на местото на резот. Некои гинеколози велат дека забележуваат и зголемен ризик од развој на ендометриоза.