Декоративните ленти за глави за бебиња изгледаат преслатко, но само додека бебињата се будни. Пред спиење задолжително извадете ги од главчето на вашето бебе…
Експертите велат дека лентите треба задолжително да се извадат пред спиење, бидејќи додека бебето спие, можат да се лизнат од главата и да го попречат дишењето. Ова е исто како што на мајките им се препорачува да не го покриваат бебето преку глава додека спие, бидејќи тогаш телото може да се прегрее, што го зголемува ризикот од синдром на ненадејна смрт на новороденче или задушување.
Педијатрите велат дека постојат многу насоки за безбедно спиење на бебето, но нагласуваат дека родителите секогаш треба да се држат до овие две правила:
- заспијте го бебето на грб
- отстранете ги сите нефиксирани и непотребни предмети од креветчето (перници, играчки, прекривки)
Задушување во сон
Опасноста од оставање на лентата за глава додека бебето спие ја вознемири јавноста минатата година кога една мајка од САД на својот Фејсбук профил напиша за случајот на нејзината пријателка. Имено, мајката го оставила бебето да спие во креветчето по долга прошетка. Отишла да се истушира, а кога завршила влегла во собата да го провери детето и ја пронашла лентата за глава со голема машна на носот на бебето.
Експертите велат дека лентите треба задолжително да се извадат пред спиење, бидејќи додека бебето спие, можат да се лизнат од главата и да го попречат дишењето
Лентата предизвикала задушување на детето. Оваа приказна за прв пат беше објавена во „Manchester Evening News“ и оттогаш лентата за глава е во посебен фокус на педијатрите и родителите. Бебето може да ја носи додека е будно, но никако додека спие. Исто така, на родителите им се советува да ја тргнат од главата секогаш кога нивните деца им се надвор од видното поле, како на пример додека се во автомобил, во детското седиште.
Отстранете ги ситните предмети
Експертите предупредуваат дека децата лесно можат да проголтаат, вдишат или да се задават со предмети затоа што природно ги ставаат во устата. Лекарите потсетуваат дека родителите можат да спречат ризик од задушување така што ќе се осигураат дека малите, ситни предмети ги чуваат подалеку од дофатот на децата на возраст под три години.
