Прим. д-р Љиљана Којиќ: КАКО ДА ГО ИСФРЛИТЕ НОЌНИОТ ОБРОК – Дајте му на сопругот да го заспива бебето за да не го мириса вашето млеко

БЕБЕТО ТРЕБА ДА НАУЧИ ДЕКА НОЌТА Е ЗА СПИЕЊЕ, А НЕ ЗА ИГРАЊЕ И ЈАДЕЊЕ. Ако доите, почнете да ја намалувате должината на подојот и сменете го времето на подојот, така да не е блиску до времето за спиење. Ако давате формула, намалувајте ја количината на млеко по 30 мл секоја вечер. На пример, ако пиело 180 мл, намалете на 150 мл

Постепено исфрлајте ги оброците, еден по еден. Нежно галете го и смирувајте го бебето кога ќе се буди за цицање, и со тивок нежен глас објаснете дека сега е време за спиење, а не за јадење: Прим. д-р Љиљана Којиќ, педијатар

ПИШУВА:
Прим. д-р Љиљана Којиќ
педијатар
♦♦♦♦♦♦♦

Да се исфрли или да не се исфрли ноќниот подој/оброк, прашање е сега. Експертите се согласуваат дека ако детето е помало од шест, а особено помало од четири месеци, тогаш можеме да го храниме ноќе, кога и да се разбуди.

Но, кога ќе наврши шест месеци – прескокнете го ноќното „чалабрцкање и грицкање“. Задачата ни е го одвоиме процесот на јадење од  процесот на заспивање и спиењето, така што ако вашето, веќе големо бебе, се разбуди ноќе, нема да му треба градата, односно цуцла, за да заспие повторно.

Бебињата кои често се будат ноќе создаваат навика да се будат често без причина и потребно е време таа навика да се измени

Исфрлањето на ноќниот подој односно оброк треба да оди постепено и нежно. Имајте на ум дека вашето бебе е се уште мало и има неверојатно голема потреба од вашата близина и нежност и тешење

Зошто треба да се исфрли ноќниот подој/оброк?

Одвикнувањето од ноќниот оброк не би требало да започне по навршениот 6. месец, а најдобро е со тоа да се започне помеѓу 4. и 6. месец.

Зошто баш тогаш?

Зашто студиите прикажуваат дека на возраст од 4 месеци, бебето веќе има калориски и волуменски доволно голем последен оброк пред спиење, кој ќе му овозможи да преспие 5-6 часа во блок, без да има потреба да јаде.

Дали секогаш кога се буди вашето бебе бара да јаде или има некаква друга потреба? Неколку работи можат да бидат смирувачки и да пружаат поголемо задоволство и утеха за бебето отколку да биде хрането.

Дозволете му на таткото да го заспива бебето

Ако сте морале да се вратите на работа од некаква причина и преку ден отсуствувате подолго, будењето и барањето храна може да биде само желба на бебето да бидете до него. А исто така секако ви е познато дека бебињата се будат почесто кога им растат заби, кога се настинати или кога се скокови во растењето.

Ако вашето бебе е навикнато на многу внимание во текот на ноќта, време е постепено тоа да се намалува. Ако сте му давале млеко кога ќе се разбуди, најпрвин помешајте го со вода, а потоа давајте чиста вода неколку дена, а потоа не давајте ни вода, ниту пак било што друго. Бебето треба да научи дека ноќта е за спиење, а не за играње и јадење

Поради сите овие причини, важно е исфрлањето на ноќниот подој односно оброк да оди постепено и нежно. Имајте на ум дека вашето бебе е се уште мало и има неверојатно голема потреба од вашата близина и нежност и тешење.

Како да знаете дека вашето дете е спремно?

Ако вашето бебе е старо 4-6 месеци, веројатно можете да почнете да го исфрлате ноќниот подој. Секако дека иако не му треба хранење и не е гладно, вашето малечко и понатаму може да се буди и да бара да цица.

Така се ствара навика: бебињата кои често се будат ноќе создаваат навика да се будат често без причина и потребно е време таа навика да се измени.

Со одвикнувањето од ноќниот оброк е најдобро да се започне помеѓу 4. и 6. месец

Исто така, тешко е да го сочувате сопственото здравје, и ментално и физичко, ако вие лично немате квалитетен сон толку долг период.

Затоа, започнете порано, по навршениот 4. месец.

Обидете се да ја скршите асоцијацијата помеѓу спиење-јадење. Ако бебето заспие додека цица, разбудете го нежно и вратете го во креветчето. Галете го нежно додека не заспие
Еве кои се препораките на неколку познати педијатри и детски психолози:
  1. Џоди Миндел, детски психолог и терапевт за спиење

На оваа возраст бебето би требало преку ден да внесува доволно калории за да нема потреба да се буди ноќе. Со продолжување на ноќното хранење или доење на поголемо бебе можете на бебето да му создадете проблеми со спиењето. Ако доите, почнете да ја намалувате должината на подојот и сменете го времето на подојот, така да не е блиску до времето за спиење. Дајте му на некој друг (на сопругот) да го заспива, за да не го мириса вашето млеко.

Ако давате формула, намалувајте ја количината на млеко за по 30 мл секоја вечер. На пример, ако пиело 180 мл, намалете на 150 мл.

  1. Ричард Фербер, педијатар

Обидете се да ја скршите асоцијацијата помеѓу спиење-јадење. Ако бебето заспие додека цица, разбудете го нежно и вратете го во креветчето. Галете го нежно додека не заспие и секако, најпрво редуцирајте ја количината на млеко, а потоа и ноќните оброци исфрлете ги еден по еден.

Ставете му на бебето меченце, како објект со кој ќе се поврзува спиењето
  1. Вилијам Сиарс, педијатар

Научете го вашето бебе на разни асоцијации со спиење, кои не содржат доење или хранење од кој било вид, така што нема да остане „заклучено“ во навиката да му треба храна за да заспие. Ставете му меченце, како објект со кој ќе се поврзува спиењето.

  1. И конечно, оној кој што јас го преферирам и го препорачувам, а тоа е ставот на ААП (Американската Академија за педијатрија)

„Ако вашето бебе е навикнато на многу внимание во текот на ноќта, време е постепено тоа да се намалува. Ако сте му давале млеко кога ќе се разбуди, најпрвин помешајте го со вода, а потоа давајте чиста вода неколку дена, а потоа не давајте ни вода, ниту пак било што друго. Бебето треба да научи дека ноќта е за спиење, а не за играње и јадење.“

Така вели Американската Академија за педијатрија, а јас им верувам и затоа ги препорачувам нивните совети.

  • Постепено исфрлајте ги оброците, еден по еден. Нежно галете го и смирувајте го бебето кога ќе се буди за цицање, и со тивок нежен глас објаснете дека сега е време за спиење, а не за јадење.
  • Објаснете дека ќе цица, односно ќе ја добие цуцлата утре изутрина, но дека сега е време за спиење. Зборувајте цврсто и нежно, додека го галите бебето по стомачето, но не го кревајте во раце. Иако бебето е мало да разбере точно што му зборувате, постепено ќе го разбере значењето на зборовите и вашето присуство ќе го смири.

Во најголемиот број случаи, бебињата помалку плачат неколку ноќи, а потоа се адаптираат постепено на новиот систем и создаваат здрави навики за спиење. Обидете се, и верувајте дека ќе ме благословите.

◊◊◊◊◊◊◊

ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:

ПОВРЗАНИ НАПИСИПОВЕЌЕ ОД АВТОРОТ