ПИШУВА:
Прим. д-р Љиљана Којиќ
педијатар
♦♦♦♦♦♦♦
Прво и основно правило кога станува збор за заштита на децата од сонце на плажа е да не се изложуваат на директна сончева светлина помеѓу 10-16 часот, кога сончевите зраци се најсилни. Прим. д-р Љиљана Којиќ, педијатар, советува да не се штеди ниту на заштитата на детските очи – задолжително да се бираат очила со УВ сертификат, како и препарат за деца со заштитен фактор најмалку 30, а препорачливо е да биде 50+. Препаратот мора да биде со широк спектар (и УВА и УВБ заштита) и рамномерно да ја прекрива детската кожа. „Ставете доволно количество на препаратот (мало дете 20 мл, а големо 30 мл) и не заборавајте да го обновувате по секое бањање, на добро исушена кожа“, вели прим. д-р Којиќ, која во продолжение дава одговор на најчестите прашања поврзани со СПФ.
♦♦♦♦♦♦♦
5 ОДГОВОРИ НА ОСНОВНИ ПРАШАЊА ЗА СПФ
-
Кое зрачење е во сончевиот спектар?
Сончевиот спектар има УВА, УВБ и УВЦ зраци, од коишто за нас се важни УВА и УВБ зраците. (УВЦ спектарот го задржува стратосферата) .
-
Што се УВБ зраци?
Оној дел од спектарот кој е одговорен за настанок на изгореници на кожата. Не продира длабоко во кожата, но затоа предизвикува изгореници и црвенило. Ефектот е видлив веднаш, црвенилото се појавува одма, а во потешки случаи можат да се јават и пликови. Главен и одговорен кривец за настанок на рак на кожата.
-
Што се УВА зраци?
Со едноставни зборови кажано-тоа е многу штетен дел од сончевото зрачење, кој има особина да продре подлабоко во кожата и да предизвика фото-стареење – пигментации и брчки. Предоминантен дел е на сончевиот спектар (сочинува 95% од УВ зрачењето). Неговиот ефект не е видлив веднаш, но на долг тек се токму УВА зраците тие кои предизвикуваат стареење на кожата, но и малигни болести исто така.
-
Како да се заштитиме од нив?
Со креми, лосиони и течности кои содржат СПФ.
-
Што е всушност СПФ и што значи ознаката BROAD SPECTRUM?
SPF (Sun Protection Factor) е мерка која искажува колку добро УВ филтерот ќе ја заштити вашата кожа од УВ зрачењето. Притоа морам да напоменам дека најчесто се мисли на УВБ зраци, бидејќи кај нас има помалку препарати со УВА филтри. Препаратите кои имаат и УВА заштита обично ја носат ознаката Broad spectrum (широк спектар).
◊◊◊◊◊◊◊
ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:
- Прим. д-р Љиљана Којиќ: ПРЕМАЛО Е И НЕМОЌНО – Ако бебето упорно плаче не се обидувајте да го дисциплинирате, туку понудете му утеха
- Интервју со прим. д-р Љиљана Којиќ: Предвремено родените деца растат малку побрзо од врсниците и ги стигнуваат
- Бебешката кожа е нежна, но не е чиста, затоа бебето треба да се бања секојдневно
- Нема среќно бебе ако мајката е несреќна и преморена
- Глад, престегната пелена, грчеви, никнување на запчиња, „скок во растењето“- причини за силен плач кај малите бебиња
- МОРБИЛИТЕ НЕ СТИВНУВААТ. Жени кои планираат бременост не би смееле да останат бремени 4 недели по примање на ММР вакцина
- Како да одбегнете амонијакален дерматит кај бебето
- РОДИТЕЛИТЕ ПРАШУВААТ, ПЕДИЈАТРИТЕ ОДГОВАРААТ… Тазе прележана варичела не е пречка за вакцинирање со ММР
- Oдбраната од инфекции скоро и да не постои кај предвремено родените деца
- Секогаш ставајте го бебето да спие на грб
- Што треба да знаете ако сте родители на предвремено родено бебе? (1)
- Не го споредувајте вашето прематурче со бебињата-врсници на вашите пријателки кои се термински зрели новороденчиња (2)
