Прим. д-р Љиљана Којиќ: По навршени шест месеци бебето нема потреба од ноќен подој

Ако вашето бебе, поголемо од 6 месеци, се буди ноќе за да цица/пие млеко од цуцла, значи дека е често вознемирено и нема квалитетен сон. Но, тоа значи и уште нешто: бебето воопшто не мора да е гладно - му треба утеха. А утехата воопшто не мора да биде града или шише со цуцла. Може да биде гушкање, нишкање, тивко зборење и галење

НА КОЈА ВОЗРАСТ ТРЕБА ДА СЕ ИСФРЛИ НОЌНИОТ ПОДОЈ? Секое бебе е посебно, како отпечаток од прст. Затоа и исфрлањето на ноќниот подој ќе биде различно за секое бебе: Прим. д-р Љиљана Којиќ, педијатар

ПИШУВА:
Прим. д-р Љиљана Којиќ
педијатар

♦♦♦♦♦♦♦

Ако имате дилема дали да го укинете ноќниот оброк запрашајте се дали возрасните (под услов да се здрави и да немаат пореметување во исхраната) се будат ноќе за да јадат? Одговорот е не, дури и кога се гладни.

Зошто не? Зашто спијат со длабок сон, во кој гладта е потисната заедно со другите нагони. Овој длабок сон, нам, на сите човечки организми ни е повеќе од потребен. На бебињата – особено.

за обнова на сите физилошки функции на организмот, а особено за обнова на мозочните функции, неопходен е длабок и квалитетен, непрекинат сон

Зошто?

Затоа што едно просечно бебе во текот на првата година ја триплира својата родилна тежина и скоро ја дуплира својата родилна должина. Така едно бебе кое има 3 500 г на раѓање и 50 см, на својот прв роденден треба да има околу 10 500 г и приближно 100 см. Тоа е еден исклучителен екстензивен и експанзивен, многу брз раст. За да ви стане појасно колку многу брзо расте едно бебе само замислете дека еден човек кој денес тежи 80 кг и е висок 180 см, наредната година во ова исто време да биде тежок 240 кг и висок повеќе од 3 метри!!!

Сега веројатно имате претстава за која брзина на растење зборуваме.

За тоа е секако потребна квалитетна исхрана.

Бебе постаро од шест месеци, кое се буди ноќе, најчесто не е гладно, само му треба вашата близина. Значи пружете му нежност и сигурност, а не храна

Но, на бебе кое расте, исто колку што му е потребна квалитетна храна, потребен му е и квалитетен сон. Имено, човек, а со тоа и „малечкото човече“ – бебето, за да може да биде разбудено од нагон за хранење, треба да спие во РЕМ фазата на сонот (Rapid Eyes Movement), односно со плиток сон. Но таков сон не е доволно квалитетен за еден организам во процес на екстензивно растење. Имено за обнова на сите физилошки функции на организмот, а особено за обнова на мозочните функции, неопходен е длабок и квалитетен, непрекинат сон.

Бебе постаро од шест месеци, кое се буди ноќе за да јаде е во ризик од обезитет (дебелина), кој пак, е поврзан со ризик од метаболички синдром, односно кардиоваскуларни заболувања и дијабетес тип 2

Ако вашето бебе, поголемо од 6 месеци, се буди ноќе за да цица/пие млеко од цуцла, значи дека е често вознемирено и дека нема квалитетен сон.

Тоа значи и уште нешто: воопшто не мора да е гладно – значи дека му треба утеха. А утехата воопшто не мора да биде града или шише со цуцла. Може да биде гушкање, нишкање, тивко зборење и галење.

Секое бебе е посебно, како отпечаток од прст. Затоа и исфрлањето на ноќниот подој ќе биде различно за секое бебе.

Американската педијатриска јавност, од аспект на лични ставови е поделена кога е во прашање укинувањето на ноќниот подој, односно оброк. И додека едните велат тој треба да се укинува многу рано, веќе по навршените шест недели старост, повикувајќи се на неколку важни аспекти, во прв ред на квалитетот на сонот, а потоа и на исто толку важната навика за јадење ноќе, која води до дебелина, кардиоваскуларни болести и дијабет, другите велат дека тој треба да се укине помеѓу 4. и 6. месец, повикувајќи се на психолошките аспекти на доењето, односно хранењето.

Но овие ставови се главно лични ставови на одредени педијатри и детски психолози, кои не се базираат на цврсти научни, туку лични ставови (Фербер, Брејзелтон и Сиарс имаат свои прирачници за слип-тренинг).

Бебе постаро од шест месеци, кое се буди ноќе има неквалитетен сон и ствара навики да се буди ноќе кои ќе се протегаат низ целото рано детство

Оној став, којшто е меродавен и заснован на поголем број научни студии, поткрепени со докази, е ставот на Американската академија за педијатрија, а тој вели дека:

  1. По навршени шест месеци бебето не треба да јаде ноќе.
  2. Бебе по навршени шест месеци дење треба да јаде доволно за да не јаде ноќе.
  3. Бебе постаро од шест месеци, кое се буди ноќе, најчесто не е гладно, само му треба вашата близина. Значи пружете му нежност и сигурност, а не храна.
  4. Бебе постаро од шест месеци, кое се буди ноќе има неквалитетен сон и ствара навики да се буди ноќе кои ќе се протегаат низ целото рано детство. Затоа утешете го и учете го да заспива повторно само, без хранење.
  5. Бебе постаро од шест месеци, кое се буди ноќе за да јаде е во ризик од обезитет (дебелина), кој пак, е поврзан со ризик од метаболички синдром, односно кардиоваскуларни заболувања и дијабетес тип 2.

Затоа, сите педијатри кои вистински водат сметка за здравјето на вашето малечко, ќе ви советуваат исфрлање на ноќниот оброк.

◊◊◊◊◊◊◊

ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:

ПОВРЗАНИ НАПИСИПОВЕЌЕ ОД АВТОРОТ