Прва менструација: Три работи кои родителите треба да ги направат

Важно е да разговарате за пубертетот пред тој да дојде. Не треба тоа да биде само еден разговор, па поради тоа почнете да разговарате и да објаснувате, како и да отворите простор за вакви разговори.

Вашата ќерка добила прва менструација, што е голем знак дека веќе не е малечко девојче и голема е веројатноста дека емотивно ќе ја почувствувате таа промена. Многу е важен начинот на кој разговарате за телото и промените што ги проживува.

Просечната возраст на која девојчињата добиваат менструација е 12 години. Меѓутоа, доцна е да разговарате за таа промена кога таа веќе ќе се случи. Важно е да разговарате за пубертетот пред тој да дојде. Не треба тоа да биде само еден разговор, па поради тоа почнете да разговарате и да објаснувате, како и да отворите простор за вакви разговори.

Бидете смирени – Иако можеби одднатре чувствувате нервоза, бидете посмирени. Сите промени се непријатни и за возрасните и за децата, велат педијатрите. Ова е најприродна работа што едно девојче може да ја помине. Исто така, многу е веројатно дека таа поминува низ различни емоции, затоа бидете нејзина поддршка. Не постои ништо срамно во пубертетот, а да се разговара за фактите е корисно, потсетувваат педијатрите.

Објаснете што се случува – Уверете ја дека животот не престанува кога ќе добие месечен циклус. Може да излегува, да се занимава со спорт, да плива… Да се има циклус не значи да се биде болен, а целта е да се охрабрат девојчињата во адолесценција. Ако ви е тешко да разговарате за тоа, побарајте лекарска помош и тогаш заедно може да разговарате за фазите на пубертетот и женскиот развој и за тоа што е менструација и што треба да очекува. Лекарите потенцираат дека треба да се користат точни термини како вагина, овулација и матка.

Позитивен период – Важно е месечниот циклус да се претстави од позитивна перспектива. Претставете и на ќерката дека ќе се појават симптоми на менструацијата како грчеви во стомакот, болка во градите и слично. Разговарајте и за хигиената за време на циклусот како и за хигиенските средства што се користат во тој период.