Овие се симптоми кои најчесто се јавуваат во раната фаза на болеста, а заболените лица може да имаат еден или комбинација од неколку симптоми
♦♦♦♦♦♦♦
Вирусот SARS-CoV-2 предизвикува Ковид-19, а симптомите на болеста може да се разликуваат од од лице до лице. Некои заразени луѓе можат да бидат асимптоматски носители и да не развијат никакви симптоми на болеста, додека кај други луѓе може да има низа на симптоми.
Раните симптоми кај децата се слични на оние кај возрасните, а кај децата најчести се: треска (56%), сува кашлица (54%) и отежнато дишење (13%). Децата обично се опоравуваат во рок од две недели
Кога некое лице ќе се зарази со коронавирус, може да поминат меѓу 2 до 14 дена пред да се појават симптомите. Просечниот период на инкубација трае околу пет до шест дена. Според студијата објавена во часописот JAMA Network, најчести симптоми кои се појавуваат кај луѓето со Ковид-19 се: замор (68%), нарушувања во сетилата за мирис и вкус (64%), кашлица (60%), треска (55%), болка во мускулите, (45%), главоболка (43%), отежнато дишење (41%) и воспаление на грлото (31%).
Овие се симптоми кои најчесто се јавуваат во раната фаза на болеста, а заболените лица може да имаат еден или комбинација од неколку симптоми.
Лекарите сметаат дека температура од 38° C или поголема е поврзана со Ковид-19. Според Националната здравствена служба (NHS), ако некое лице многу кашла повеќе од еден час или има минимум три епизоди на кашлање дневно, можно е да има коронавирус.
Луѓето кои имаат замор како симптом на коронавирус обично се чувствуваат истоштено, слабо и немаат енергија. Пациентите кои имаат потешкотии со дишењето може да чувствуваат недостаток на здив или чувство на гушење.
Други симптоми на коронавирус
Кај некои пациенти може да се појават и некои други симптоми како што се затнат нос, дијареја, гадење и повраќање. Симптомите на коронавирус обично се умерени или благи кај млади возрасни лица и деца.
Раните симптоми кај децата се слични на оние кај возрасните, а кај децата најчести се: треска (56%), сува кашлица (54%) и отежнато дишење (13%). Децата обично се опоравуваат во рок од две недели.
Кога да побарате лекарска помош?
Луѓето со лесна до умерена болест можат да се лекуваат дома. Сепак, секоја петта личност што ќе се зарази со коронавирус може да се чувствува многу лошо и да има проблеми со дишењето.
Medical News Today советува пациентите да побараат лекарска помош доколку имаат потешкотии со дишењето, постојана болка или притисок во градите, сини усни или лице и доколку се чувствуваат збунето или не можат да се разбудат.
