Потребно:
- 400 гр брашно
- 400 гр шеќер
- 400 мл вода
- 100 мл масло
- 3 лажици џем
- 2 јаболки
- 1 лажичка сода бикарбона
- 2 лажички какао
Подготовка: Во еден сад измешајте ги просеаното брашно, шеќерот, содата бикарбона и какаото. Сè убаво измешајте, па прелијте со вода и масло. Повторно измешајте, па додајте го џемот и ренданите јаболка. Добиената смеса истурете ја во тавче кое сте го обложиле со хартија за печење, или сте го подмачкале и посипале со брашно, па израмнете. Десертот печете го во загреана рерна на 200°C околу 20 минути. На крајот по желба можете да го премачкате со растопено чоколадо. Добар апетит!
