Потребно:
- 2 јајца
- 80гр мелени ореви
- 120гр брашно
- 80гр шеќер
- 2 лажици млеко
- 1 лажица какао
- 125гр путер (на собна температура)
- 1 кесичка прашок за печиво
- 1 кесичка ванилин шеќер
Подготовка: Во длабок сад пенасто изматете ги путерот, шеќерот и ванилиниот шеќер. Матете 3 – 4 минути, со миксерот вклучен на средна брзина. Потоа додадете едно јајце и продолжете со матење додека состојките целосно се соединат, па додадете го и второто. Во друг сад измешајте ги брашното, прашокот за печиво и какаото, па додадете ги во изматениот путер заедно со мелените ореви и 2 лажици млеко. Матете додека се добие хомогена смеса. Смесата истурете ја во калап за печење со посакувана форма, обложена со хартија за печење или намастена и набрашнета, па протресете за смесата еднакво да се распореди. Печете во претходно загреана рерна на 180 степени, 30 – 35 минути. Извадете го колачот од рерна и оставете го целосно да се излади, па потоа извадете го од калапот и декорирајте по желба. Добар апетит!
