Потребно:
- 4 моркова
- 4 стабленца целер
- 1 кељ
- 2 шолји карфиол
- ½ шолја елда
- 1 кромид
- 3 чешниња лук
- 1 лажица маслиново масло
- Зачини по желба
- 1 шолја леќа
- 2 литри говедски бујон
Подготовка: Во големо тенџере на маслиново масло пропржете го исечканиот кромид. Додадете го лукот и пржете уште кусо. Додадете го исечканиот зеленчук и останатите состојки и се заедно варете околу 90 минути, односно додека леќата не е сварена (може да користите и веќе сварена). Зачинете ја супата по желба.
ЗОШТО ТОКМУ ОВАА СУПА?
Има богат нутритивен состав. Особено елдата, која содржи квалитетни јаглехидрати и протеини, но и различни витамини, минерали и антиоксиданти. Целерот содржи хранливи материи, богат е со растителни влакна и е ризница на витамините К, Ц и Б, како и калциум и фолна киселина.
