РЕЦЕПТ НА ДЕНОТ: Есенска чорба

Во овие студени денови нема ништо повкусно од чорба што освен што ќе ве загрее, ќе ви обезбеди и експлозија од витамини и нутриенти. Ова е рецепт по кој брзо и едноставно ќе ја подготвите највкусната чорба од тиква.

Потребно:

  • 500гр тиква
  • 3-4 моркови
  • 1л бистра супа
  • 50гр масло
  • 1 кромид
  • 2 чешниња лук
  • 1 голем компир
  • 200мл кисела павлака
  • Сол
  • Бибер

Подготовка: Загрејте го маслото, а потоа додадете го кромидот и лукот исечкани на ситни парчиња. По 4-5 минути, додадете ја на коцки исечената тиква, компирот и морковите. Се заедно оставете да се вари на средна температура 10 минути, односно додека зеленчукот не омекне. Потоа додадете ја бистрата супа и се заедно нека се вари уште 30-40 минути. Пред крај зачинете по желба. Со рачен блендер измиксирајте ги состојките да добиете хомогена смеса. Потоа додадете ја павлаката и се заедно убаво измешајте. Пред послужување во секоја чинија може да наросите семки од тиква.