Подготовка: Саканата количина на свеж спанаќ внимателно исчистете ја, измијте ја и отстранете ги оштетените листови. Исечкајте го и морковот. Гответе на пареа. Јајцето ставете го во посебен сад и сварете го. Зеленчукот е сварен кога количината спанаќ значајно ќе се намали, а морковот ќе омекне. Ставете го зеленчукоти свареното јајце во блендер, или измиксирајте ги со рачен миксер стап. Додавајте постепено од адаптираното или мајчиното млеко, додека не ја добиете саканата густина на кашичката.
Не користете ја водата од варењето за да ја разредите кашичката. Исто така, оваа кашичка не може да се чува, оти добро е познато дека спанаќот не треба да се подгрева.
Посоветувајте се со вашиот педијатар пред воведување на нови намирници во исхраната на вашето бебе.
