Потребно:
- 650 гр брашно
- 250 мл млеко
- 20гр квасец
- 2 лажички шеќер
- ½ лажичка сол
- 2 јајца
- 1 белка
- 50 мл маслиново масло
- 1 полна лажица кисела павлака
- 50 гр путер
Подготовка: Во помал сад иситнете го квасецот, додадете шеќер и ставете малку млако млеко и измешајте. Во друг сад ставете го остатокот од млекото, јајцата и белката. Додадете го активираниот квасец и измешајте. Додадете го маслото и киселата павлака. На крајот додадете го брашното и солта. Замесете тесто. Оставете го покриено да стаса. Поделете го на три дела, формирајте топчиња и оставете ги да одморат 5-6 минути. Секое топче поделете го на три дела. Првиот дел развлечете го со големина од чинија, па премачкајте со путер. Врз него ставете го второто развлечено тесто и премачкајте го со путер и него. Одозгора ствете го и третиот дел, исто со големина колку чинија. Со сукало развлечете кора што е можно потенка, малку наросете брашно, но што е можно помалку. Исечете на 16 триаголници и свиткајте во кифлички. Истото направете го и со преостанатото тесто. Кифличките покријте ги да одморат 20 минути, па премачкајте со жолчка и наросете со сусам. Печете на 200 степени, околу 30-35 минути. Добар апетит!
