Потребно:
- 1/2 карфиол
- 1 кромид
- 1/4 китка магдонос
- 1 чешне лук
- 30 мл маслиново масло
- 2 јајца
- 200 гр сирење
- 150 гр овесни снегулки
Подготовка: Карфиолот исечкајте го на коцки, па сварете го. Процедете и кога ќе се олади ситно исечкајте или ситно изблендирајте. Потоа во садот се додаваат исечканиот кромид, магдоносот, сечканиот лук, маслиновото масло, јајцата и ренданото сирење. На крајот додадете ги овесните снегулки и добро зачинете. Смесата за ќофтиња измешајте ја со раце, па обликувајте ги ќофтињата и наредете ги на плех обложен со хартија за печење. Се печат во загреана рерна на 180°C околу 25-30 минути. Добар апетит!
