Потребно:
- 200 гр грчки јогурт
- 130 гр кондензирано млеко
- 1 лажичка екстракт од ванила
- 300 – 400 гр бисквити
- 400 гр сечкано овошје (киви, портокали, банани, јаболка)
Подготовка: За најдобрата бисквитна торта со грчки јогурт и овошје, прво извадете го овошјето, млекото, грчкиот јогурт и подгответе голем сад, како и калап или плех за печење. Овошјето исечкајте го на мали парчиња и измешајте го во еден сад. Додадете го грчкиот јогурт и кондензираното млеко и екстрактот од ванила. Сè добро измешајте. На дното од калапот или плехот наредете 2 реда бисквити, па одозгора филот. Повторете ја постапката. Одозгора украсете со мелени бисквити. Оставете го десертот во фрижидер преку ноќ. Добар апетит!
