Потребно:
- 400мл јогурт
- 4 јајца
- 1 чаша шеќер (чаша од 200мл)
- 1 чаша зејтин
- 4 чаши брашно
- 1 прашок за печиво
- 400гр кајсии
- Сечкани бадеми на листови
- Шеќер во прав
- Лебни трошки за калапот
Подготовка: Измијте ги кајсиите, разделете ги на половина, извадете ги семките и исечкајте ги на помали парчиња. Брашното измешајте го со прашокот за печиво. Во друг сад ставете ги јајцата и шеќерот и матете околу пет минути, се додека смесата не се удвои и добие светло-жолта боја. Потоа намалете ја брзината на миксерот и помалку додавајте го маслото, а потоа и јогуртот. На крајот, во смесата додадете го брашното со прашокот за печиво и соединете со миксер.
Калапот за печење убаво премачкајте го со масло, а потоа ставете лебни трошки. Наместо лебни трошки, може да користите и брашно. Презлата ќе помогне на дното од колачоте да се формира убаво запечена кора. Смесата ставате ја во калапот, низ неа распоредете ги кајсиите. На крајот додадете ги бадемите и потоа ставете да се пече во загреана рерна на 180 степени. Колачот печете го околу 45 минути, во зависност од јачината на вашата рерна. Колачот треба да добие златно-жолта боја. Оставете го да се олади, а пред послужување по желба наросете шеќер во прав. Добар апетит!
