Потребно:
- 1 литар млеко
- 4 прашоци за пудинг од ванила
- 250 гр шеќер
- 200 гр путер
- 150 гр мелени бисквити
- 120 гр кокос
- 170 гр мелени ореви
- Шлаг за декорација
Подготовка: Од литар млеко се земаат околу 200 мл и се мешаат во прашокот за пудинг од ванила и шеќерот. Остатокот од млекото сварете го. Кога ќе зоврие, измешајте ја смесата со пудингот и сварете го пудингот. Изладете и додадете путер во изладената смеса. Смесата поделете ја на три дела. Во едниот дел додадете кокос, вториот мелени бисквити и третиот дел мелени ореви. Смесата распоредете ја во калап од 20 см по редослед: – крем со бисквити – крем со кокос – крем со ореви – шлаг. Тортата можете да ја посипете со мелени бисквити, ореви или кокос или се заедно. Добро изладете и уживајте. Добар апетит!
