Потребно:
- 750 гр пилешко бело месо
- 3 моркови
- 3 компири
- 2 стапчиња целер
- 1 лажичка сува мајчина душица
- 1,2 л пилешки бујон
- 45 гр несолен путер
- 1 кромид
- 50 гр брашно
За кнедлите:
- 240 гр брашно
- 3 лажички прашок за печиво
- 100 гр чедар сирење
- 1/2 лажичка сушен магдонос
- 2 лажици несолен путер
- 180 мл млеко
Подготовка: Во тенџере наредете го крупно исечканото пилешко, па додајте ги сечканите моркови, компирите и целерот. Зачинете со сол и бибер, а потоа посипете со мајчина душица. Прелијте со пилешкиот бујон, (растворете 3 коцки супа во 1,2 шолји топла вода). Варете околу 15 минути. Потоа, во друго поголемо тенџере растопете го путерот, па пропржете го ситно сечканиот кромид. Потоа додадете го брашното, измешајте, а потоа прелијте со бујонот од тенџерето со месото и зеленчукот. Истурете поголем дел од бујонот и мешајте цело време. Варете додека не почне да врие и малку се згусне, а потоа додадете ги сите состојки од претходното тенџере (зеленчук, месо и преостанат бујон). Оставете да се вари додека ги правите кнедлите. Во сад измешајте ги брашното, ренданото сирење чедар и магдоносот, па соединете. Истурете го растопениот путер и млекото и мешајте додека не добиете лепливо тесто. Потоа исклучете го гулашот, па со лажица вадете кнедли и редете ги врз гулашот. Ставете го гулашот во загреана рерна на 190°C околу 15-20 минути. Пред сервирање, оставете 5-10 минути да стивне. Добар апетит!
