Потребно:
- 1 кромид
- 800гр бело пилешко месо
- 1 модар патлиџан
- 1 тиквица
- 300гр свежи шампињони
- 500мл павлака за готвење
- Сол
- Бибер
- Оригано
Подготовка: Пилешкото пропржете го на малку масло. Кромидот ситно исечкајте го, тиквицата исечете ја на кругови, модриот патлиџан на помали коцки, а печурките по желба. Кога ќе го извадите месото во чинија, во истото тавче прво пропржете го кромидот, па потоа додадете го модриот и шампињоните. По неколку минути додадете ги и тиквиците. Оставете кусо време се заедно да се испржи. Кога ќе биде речиси готово, додадете ја павлаката за готвење и зачинете по вкус. Кога е готово, едноставно прелијте врз пилешкото месо и уживајте во совршениот вкус. Добар апетит!
