РЕЦЕПТ НА ДЕНОТ: Пиперки во бешамел сос

Бешамел сосот не е нешто што се користи само за лазањи или грчка мусака. Овој бел сос одличен е и за пиперки. Вака подготвените пиперки се одлични како прилог, но и за предјадење или вечера. Послужете ги со препечен леб, уживањето ќе биде уште поголемо.

Потребно:

  • 10-15 зелени тенки пиперки (може да користите и пиперки по избор)
  • 3 лажици масло
  • 1 полна лажица брашно
  • 1 шолја млеко
  • Малку сол
  • 1 парче путер
  • 1 лажичка црвен пипер

Подготовка: Пиперките исечете ги на помали парчиња и пропржете ги на масло. Потоа додадете го брашното, промешајте, па додадете го млекото. Посолете и постојано мешајте за да се згусне јадењето. Во одделен сад растопете го путерот и додадете го мелениот црвен пипер. Со таа мешавина прелијте ги пиперките. Оставете 2-3 минути состојките да се соединат и послужете. Добар апетит!