Потребно:
- 500гр лиснато тесто
- 200гр кобасици или виршли
- 1 зелена пиперка
- ½ црвена пиперка
- 250гр кашкавал или биено сирење
- 150гр кисела павлака
- 1 јајце + 1 јајце за премачкување
Подготовка: Со сукало истенчете го лиснатото тесто. Во изренданиот кашкавал или биено сирење додадете ја павлаката и јајцето, па измешајте. Со добиената смеса премачкајте го тестото, а потоа кобасиците или виршлите исечкајте ги ситно, како и пиперките. Распоредете ги врз филот на тестото. Свиткајте ги краевите, па со помош на хартија за печење, свиткајте во ролат. Така направете и со преостанатото тесто. Наредете ги ролатите во тавче обложено со хратија за печење. Премачкајте ги со изматеното јајце и ставете ги да се печат на 180 степени, околу половина час.
