Потребно:
- 90 гр киноа
- 300 мл вода
- ¼ лажичка сол
- ¼ лажичка кромид во прав
- ¼ лажичка лук во прав
- Прстофат бибер
- 1 сув квасец
- 90 гр компири
- 400 гр спанаќ
- ¼ лажичка мелен црвен пипер
- 1 лажичка маслиново масло
Подготовка: Загрејте ја рерната на 200 степени. Обложете го плехот со хартија за печење и оставете го на страна. Компирите исчистете ги, ставете ги на плех и печете ги додека не омекнат, околу 45-60 минути. Додека се печат компирот, подгответе ја киноата со соединување на киноата, водата и солта во тенџере. Кога киноата ќе зоврие, намалете ја температурата и покријте ја. Гответе 30 минути без да го подигнете капакот додека не се апсорбира целата вода. Додека киноата се готви, малку пропржете го спанаќот на маслиново масло, додавајќи малку сол и бибер. По 30 минути, измешајте ја киноата. Додадете го кромидот во прав, лукот во прав, квасецот и биберот и измешајте добро да се соединат. Кога компирите се испечени и изладени, пресечете ги на половина и извадете ја средината во помал сад и лесно изгмечете со вилушка.Измешајте ги компирите и спанаќот во киноата и измешајте додека не се соединат. Земете сакана количина и со дланка обликувајте плескавица. Наредете ги плескавиците во тавчето. Печете ги на 200 степени 15 минути, а потоа внимателно преврете ги. Продолжете да печете уште 15 минути додека не поруменат и крцкаат околу рабовите. Добар апетит!
