РЕЦЕПТ НА ДЕНОТ: Плескавици од варени јајца

Класичните плескавици добро е познато дека се подготвуваат од мелено месо, но може да се направат плескавици и од зеленчук, како тиквички, компир... Сите се едноставни, вкусни и лесни за подготовка. Денес ви претставуваме рецепт што ќе ве воодушеви, а се работи за плескавици од варени јајца.

Потребно:

  • 6 јајца
  • Свеж магдонос
  • 1 лажица сенф
  • 2 лажички кромид во прав
  • 2 лажици презла
  • 2 лажици оцет

Подготовка: Во зовриената вода додадете го оцетот и ставете ги јајцата (5 парчиња) да се варат. Варете ги точно 9 минути, а потоа ставете студена вода. Излупете ги и исечкајте ги јајцата, па додадете го исечканиот магдонос, сенфот, кромидот во прав и е јајце (живо). Убаво измешајте додека не се соединат состојките. На крајот додадете ја презлата и повторно убаво измешајте. Од смесата формирајте плескавици, валкајте ги во презла и пржете ги во добро загреано масло. Добар апетит!

ПОВРЗАНИ НАПИСИПОВЕЌЕ ОД АВТОРОТ