РЕЦЕПТ НА ДЕНОТ: Прво беби болоњезе

Нема дете кое не ужива во тестенини, а ова е одличен рецепт прилагоден и за најмалите, односно за деца кои имаат полни 12 месеци. 

Потребно:

  • 1 морков
  • 50гр мелено месо
  • 2 лажици доматен сос
  • 1 лажица маслиново масло
  • 2 раце интегрални макарони
  • Свеж магдонос

Подготовка: Во вода ставете ги макароните да се сварат додека не станат меки. Излупете и ситно изрендајте го морковот. Ставете во тавчето масло и пржете го заедно со месото додека местото не добие боја, но со постојано мешање. Потоа додадете го доматниот сос (сос домашен без зачини, или пак можете да излупите еден домат и ситно да го исечкате или изрендате). Мешајте неколку пати и додадете 6 лажици вода и се заедно динствувајте неколку минути. На крај додадете свеж магдонос. Макароните исцедете ги и потоа прелијте го сосот врз нив и измешајте се да се соедини. Оладете и послужете му ги на детето.