Потребно:
За тестото:
- 250гр брашно
- 150мл млака вода
- 40мл масло
- Малку сол
За филот:
- 800гр јаболки
- 50гр растопен путер
- 100гр шеќер
- 1 ванилин шеќер
- Цимет по вкус
- 2 лажици лебни трошки
- 1 лажица густин
Подготовка: Прво замесете го тестото: сите состојки соединете ги и добро замесете да добиете мазно тесто кое не се лепи. Поделете го на два дела и формирајте топчиња. Покријте ги со кујнска крпа и оставете да мируваат половина час додека го подготвувате филот.
Јаболките излупете ги и исечете ги на коцки. Веднаш додадете ги сите останати состојки и се заедно измешајте. Тавчето за печење обложете го со хартија за печење. Тестото развлечете го во што поголем круг. Попрскајте малку со растопениот путер и оставете тестото да стои уште 10 минути. Потоа развлечете колку што можете повеќе, ставете од филот и свиткајте шртудла. Направете го истото и со второто тесто. Ставете да се печат на 200 степени, околу 40 минути, додека не зарумени. Послужете со топка сладолед. Добар апетит!
