РЕЦЕПТ НА ДЕНОТ: Сладолед од лубеница, киви и кокосово млеко

Во лето сладолед се јаде секој ден. Но, ако сакате малку за промена да го избегнете класичниот сладолед кој содржи шеќери, посегнете по алтернатива која на децата ќе им донесе еднаква радост, па дури и поголема, особено ако ги вклучите во неговата подготовка.

Потребно:

За 6 сладоледа на стапче

  • Калапи за сладолед на стапче
  • 250гр лубеница
  • 1 киви
  • 6 лажици кокосово млеко
  • 2 лажици мед
  • Малку чоколадни трошки или боровница

Подготовка: Отстранете ги семките од лубеницата и измиксирајте ја во блендер. Во смесата додаете ги чоколадните трошки или боровницата. Наполнете 2/3 од калапите со лубеницата и оставете ја смесата половина час во замрзнувач (се уште без стапчиња). Во кокосовото млеко измешајте една лажица мед, па и таа смеса ставете ја во калапите. Вратете ги калапите повторно во замрзнувач уште половина час. Излупете го кивито и заедно со една лажица мес измиксирајте ги во блендер. Потоа распределете ја смесата во калапите. Тогаш ставете ги стапчињата во сладоледот и се заедно ставете во замрзнувач да стои уште 5 часа. Потоа може да им го послужите на децата.

ПОВРЗАНИ НАПИСИПОВЕЌЕ ОД АВТОРОТ