РЕЦЕПТ НА ДЕНОТ: Сочен кокос колач

Едноставен, лесен и вкусен сочен колач одличен за целото семејство.

Потребно:

  • 5 јајца
  • 300гр шеќер + 5 лажици
  • 150гр брашно + 5 лажици
  • 150гр кокос 
  • ½л млеко + 2 шолји
  • 1 маргарин
  • Шлаг или рендано чоколадо за декорација

Подготовка: За подготовка на кората: Изматете ги белките со 200гр шеќер, 150гр брашно и 150гр кокос. Ставете ја смесата во тавче да се пече на 180 степени. Кога кората ќе се олади, прелијте ја со 2 шолји жешко млеко. За подготовка на филот: Изматете ги жолчките со 5 лажици шеќер и 5 лажици брашно, а потоа смесата сварете ја во половина литар млеко додека не се згусне како пудинг. Во оладениот фил додадете го изматениот маргарин со 100гр шеќер (ако не сакате да ви биде многу благо, не ставајте шеќер). Филот премачкајте го врз кората, одозгора наросете со кокос и рендано чоколадо. По желба може колачот да го украсите одозгора и со шлаг. Добар апетит!