РЕЦЕПТ НА ДЕНОТ: Солена торта со туна

Солените торти се украс на секоја празнична трпеза, а многу едноставно се подотвуваат. Наш денешен предлог е рецепт за солена торта со тост леб, туна, пченка, грашок... Вака вкусно подготвеното јадење не мора да го послужите само како предјадење на празнична маса, бидејќи солено тортата е одличен избор и за едноставен ручек.

Потребно:

  • Тост леб
  • 1/2 конзерва грашок
  • 1/2 конзерва пченка
  • 2 конзерви туна
  • 1 морков
  • Мајонез
  • 250 гр крем сирење
  • 1 лажица свежо сечкан магдонос 

Подготовка: Во сад измешајте ја процедената туна, ренданиот морков, крем сирењето (можете да го замените со мајонез), сечканиот магдонос. Сè убаво измешајте, па додадете ги процедената пченка и грашок и повторно убаво измешајте. Исечете ги рабовите, корките на тост лебот и ставете 3 парчиња едно до друго (да се направи правоаголник). Потоа покријте со фил, па одозгора наредете уште 3 парчиња тост леб. Намачкајте го преостанатиот фил и наредете уште 3 парчиња тост. Целата солена торта премачкајте ја со мајонез. По желба, солената торта украсете ја со шери домати. Добар апетит!

ПОВРЗАНИ НАПИСИПОВЕЌЕ ОД АВТОРОТ