Потребно:
- 500гр готови кори за пита
- 600гр ситно младо сирење (урда)
- 2 јајца
- Сол
- Масло за пржење
Подготовка: Готовите кори исечете ги на половина (на два правоаголника), па повторно на половина, попречно така да се добијат две парчиња тесто со форма на триаголник. За преливот, со вилушка лесно изматете едно јајце и една жолчка, малку посолете и со вилушката соединете ги со сирењето. На секој триоаголник од тестото (кората), ставете една лажичка од преливот, преколепете ги страниците на тестото кон внатре, така да преливот не истече и замотајте во мала, тесна ролничка или “цигара“. Врвот на тестото премачкајте го со преостаната белка која преходно сте ја изматиле со вилушка, па залепете го крајот, така да тој дел за време на пржењето не се одвојува. Замотаните ролнички пржете ги неколку минути во загреано масло, додека не добијат златно жолта боја, па вадете ги на хартија, за да се исцеди вишокот на маснотија и послужете ги.
СОВЕТ: Корите може да се наполнат, свиткаат и да се остават во фружидер неколку часа, па да се пржат пред послужување. Вака претходно направените ролнички ќе бидат исто така вкусни, но ќе ја изгубат крцкавата кора. На ист начин, ролничките може да ги полните со различни и по сопствен вкус преливи.
