Потребно:
- 1 чешне лук
- 1 кромид
- 3 моркова
- 1 парче праз
- 2 компира
- 400гр сварена леблебија
- 100гр сланина (тенко сечена)
- 400гр ситно сечкан домат
- Целер
- Маслиново масло
- 1 литар зеленчуков бујон
- 100гр тестенини
Подготовка: Лукот, кромидот, целерот, морковот, компирот и празот се сечкаат на ситни парчиња и се ставаат во поголем сад. Леблебијата или наутот се процедува од водата каде се варела, а може да користите и веќе сварена купена во продавница. Во сад за готвење, на малку масло се пропржува сланината (околу две минути), се додава исечканиот зеленчук (без компирот) и лесно се меша околу 15 минути, додека зеленчукот не омекне. Потоа се додава компирот, наутот и доматите и се залева со зеленчуковиот бујон. Се заедно се вари околу половина час со повремено мешање. Кога компирот ќе биде сварен, се додаваат тестенините и се вари уште 10 минути, односно додека тестенината не се свари. Се додаваат зачини по желба. Добар апетит!
