Потребно:
- 400гр тестенини по избор
- 200гр свежи шампињони
- 200гр шунка
- 150гр сланина
- 150гр сирење
- 150гр кашкавал
- Кечап
- Малку маргарин
- По желба зачин оригано
- За преливот:
- 2 јајца
- 1 чаша јогурт (или павлака за готвење)
- Малку сол
Подготовка: Макароните сварете ги во солена вода и потоа измијте ги со ладна вода. Додадете ја на коцки исечканата шунка, сланина, издробеното сирење, малку кечап и оригано. На малку масло издинствувајте ги печурките исечкани на тенки листови, малку посолете ги и додадете го во мешавината со макароните. Се добро соединете и смесата префрлете ја во огноотпорен сад, претходно премачкан со малку маргарин. Повторно врз смесата додадете малку кечап и половина од изренданиот кашкавал. Изматете ги јајцата со јогуртот или павлаката за готвење, посолете и прелијте преку кашкавалот. Врз тоа ставете го останатиот дел од кашкавалот. Наросете со малку оригано. Печете во загреана рерна на 200 степени, околу 20 минути. Добар апетит!
