РЕЦЕПТ НА ДЕНОТ: Здрави чоколадни бомбици

Дали сте знаеле дека од амарантот може да се прават пуканки? Ова псевдожитарка може да се подготви на бројни начини, солени и слатки. Од амарантот може да се направи салата, да се додаде во супа, леб или во колачи. Содржи висок процент на протеини, прехранбени влакна, витамини А, Ц и К, и изобилува со фолна киселина. Ова е рецепт за интересен десерт во кој ќе ужива целото семејство.

Потребно:

  • 200гр црно чоколадо
  • 5о гр пуканки од амарант
  • 2 лажици мед
  • Кора од еден портокал
  • Цимет по желба
  • Какао за валкање на бомбиците

Подготовка: Чоколадото стопете го на пареа. Од амарантот направете пуканки, така што зрната амарант ќе ги ставите во суво тавче и ти ќе почнат да пукаат како вистински пуканки. Во готовите пуканки додадете ја кората од еден портокал, кој претходно отстојал во вода со сода бикарбона и растопеното чоколадо. Измешајте ги сите состојки да добиете изедначена смеса. Оставете ја смесата 30 минути во фрижидер и потоа формирајте бомбици, кои ќе ги валкате во какао или растопена чоколада по желба.

ПОВРЗАНИ НАПИСИПОВЕЌЕ ОД АВТОРОТ