Жена од Јужна Флорида, здравствен работник на првата линија во борбата против Ковид-19, која примила една доза од вакцината против коронавирус додека била бремена, неодамна се породила, а нејзиното дете е првиот регистриран случај во светот на бебе родено со антитела на коронавирусот по вакцинирање на мајката, тврдат двајца американски педијатри.
Понатамошните студии треба да утврдат колку долго ќе трае оваа заштита. Тие треба да утврдат на кое ниво на заштита или колку антитела треба да има бебето за да има обезбедено заштита
Лекарите го објавија своето откритие на medRxiv, а нивните тврдења допрва треба да бидат потврдени од фелата.
Лекарите Пол Гилберт и Чад Рудник рекоа дека мајката ја примила првата доза на вакцината на „Модерна“ во јануари, во 36-та недела од бременоста.
Жената родила силно и здраво девојче три недели подоцна. Истражувачите ја анализирале крвта на бебето од папочната врвца и откриле антитела за време на породувањето, се наведува во нивниот напис.
„Според нашите информации, ова е прв пријавен случај во светот на бебе родено со антитела по вакцинација“, рече Гилберт.
„Понатамошните студии треба да утврдат колку долго ќе трае оваа заштита. Тие треба да утврдат на кое ниво на заштита или колку антитела треба да има бебето за да има обезбедено заштита“, изјави Рудник за ABC.
