Одредена доза на стрес е потребна за децата да пораснат во способни и самостојни возрасни лица, тврдат стручњаците. Ако се способни да се изборат со помала количина на конфликт кога се млади, ќе им биде многу полесно да се соочат со проблеми кога ќе пораснат. Работата, велат психолозите е што децата се поспособни отколку што мислиме и навистина сакаат да почувствуваат дека им веруваме.
ДЕТЕ НА ВОЗРАСТ ОД 5 ДО 7 ГОДИНИ
Штом почнат да одат во градника, кај децата се забележува огромен напредок во самостојноста, со оглед дека во просториите каде престојуваат имаат различни одговорности.
- Не останувајте во близина кога детето има договор да си игра со другарчињата. Потребно е да научат да се носат и со необични ситуации без ваша помош.
- Дозволете детето да плати во продавница и да ви донесе кусур
- Нека само ги собира своите играчки и нека им помага да помалите деца да ги соберат
- Само нека нарача оброк во ресторан
- Местењето кревет нека стане секојдневна обврска
ДЕТЕ НА ВОЗРАСТ ОД 7 ДО 10 ГОДИНИ
Во овој период, децата сакаат да се почувствуваат големи, и многу често трчаат по шансата да се почувствуваат одговорно. Клучно е да им давате инструкции чекор по чекор.
- Прошетката на кучето (свое или на пријатели) во околината ќе ги воодушеви, бидејќи ќе почувствуваат одредена количина на одговорност и слобода.
- Сами нека си ја спакуваат својата ужина, оброк за на училиште и нека бидат одговорни за здрава исхрана (можете да им помогнете така што ќе им дадете избор од неколку добри намирници.
- Пратете ги децата да купат нешто во продавница. Важно е да ги вклучите во купувањето, а не само да ве следат и нешто да бараат.
- Вклучете ги децата во семејните одлуки. Доколку планирате одмор, нека направат избор помеѓу вашите предлози.
- Немојте да останувате на секој тернинг на детето. На тој начин ќе научи да се избори доколку дојде до конфликт со тренерот, лесна повреда или последици од своите дела без ваша помош.
