Пневмонијата е воспаление на белите дробови која предизвикува благи до тешки симптоми кај луѓе од сите возрасни групи, вклучително и деца. Децата и постарите лица имаат поголем ризик за развој на пневмонија. Најдобар начин за превенција на пневмонијата кај децата се добрите хигиенски навики како редовно миење раце и чистење и дезинфекција на површините. Децата обично се опоравуваат од пневмонија кога ќе добијат соодветна медицинска помош.
Причини за пневмонија кај децата
Децата се подложни да развијат пневмонија од вируси, бактерии и други микроорганизми. Пневмонијата често се развива како компликација на друга болест како грип или вирусна инфекција на горниот респираторен тракт. Нашиот нос и грло им дозволуваат на микроорганизмите да влезат во нашите дишни патишта и да ги инфицираат воздушните кеси на нашите бели дробови.
Пневмонијата обично се шири од човек на човек. Бидејќи децата поминуваат повеќе време во затворени простории кога времето е поладно или студено, тие може да бидат поизложени на болеста во текот на есента, зимата и раната пролет. Облеката што ја носи вашето дете или температурата надвор не го спречуваат да добие пневмонија
Респираторниот синцицијален вирус (РСВ) е вирус кој често се среќава кај деца со пневмонија кои имаат пет години или се помлади. Децата помлади од една година имаат зголемен ризик од пневмонија доколку се изложени на пасивно пушење. Следниве состојби може да предизвикаат поголема веројатност децата да добијат пневмонија од микроорганизми:
- Компромитиран имунолошки систем;
- Хронични здравствени проблеми како цистична фиброза или астма;
- Проблеми со белите дробови или дишните патишта.
Знаци на пневмонија кај децата
Пневмонијата обично се шири од човек на човек. Бидејќи децата поминуваат повеќе време во затворени простории кога времето е поладно или студено, тие може да бидат поизложени на болеста во текот на есента, зимата и раната пролет. Облеката што ја носи вашето дете или температурата надвор не го спречуваат да добие пневмонија.
Пневмонијата често се развива како компликација на друга болест како грип или вирусна инфекција на горниот респираторен тракт. Нашиот нос и грло им дозволуваат на микроорганизмите да влезат во нашите дишни патишта и да ги инфицираат воздушните кеси на нашите бели дробови
Симптомите на пневмонија може да варираат од дете до дете. Симптомите на вашето дете и нивната тежина може да зависат од тоа дали бактерии или вирус ја предизвикале болеста. Децата инфицирани со бактерии обично имаат симптоми како што се:
- Треска;
- Кашлица со слуз;
- Болна кашлица;
- Повраќање;
- Дијареја;
- Недостаток на апетит;
- Невообичаен замор;
Честопати е тешко да се каже дали бактерија или вирус е предизвикувач на пневмонија кај вашето дете. Ако причината е вирус, тогаш проблемите со дишењето може да се појават побавно. Вашето дете може да почне отежнато да дише и да развие кашлица која се влошува. Симптомите кои често се појавуваат со вирусна пневмонија вклучуваат:
- Брзо или грубо дишење
- Главоболка
- Треска
- Општа збунетост
Некои родители ги грешат почетните знаци на пневмонија со оние на настинка или друга болест. Ако симптомите на вашето дете се влошат, однесете го на лекар.
Третман на пневмонија кај децата
Ефективноста на третманот на пневмонија зависи од тоа дали причината е вирус или бактерија. Лекарите обично се потпираат на физички преглед и тестови, вклучувајќи рентген на градниот кош и тестови на крвта, за да дијагностицираат пневмонија. Тие може да побараат култура на спутум за да го потврдат присуството на инфекција на белите дробови и да користат пулс оксиметар за да ги измерат нивоата на кислород на вашето дете.
Ако вирус е предизвикувач на пневмонија кај детето, опциите за третман се поограничени. Лекарите може да препорачаат одмор и лекови за да се намали треската на детето доколку е присутна. Се препорачува на деца со пневмонија да не се даваат супресиви за кашлица со кодеин или декстрометорфан. Кашлањето помага во исфрлање на вишокот слуз и ги прочистува белите дробови.
Антибиотиците можат да бидат ефективни во случаи кога бактериите ја предизвикале пневмонијата. Ако вашиот лекар ви препише антибиотици за лекување на пневмонија на вашето дете, треба да му ја давате препорачаната доза онолку често колку што ќе ви препорача лекарот. Избегнувајте го искушението да престанете да ги користите откако вашето дете ќе покаже подобрување. Можеби сè уште има бактерии во белите дробови на вашето дете, а ако престанете да му давате антибиотици, тоа може да придонесе да се врати пневмонијата.
Спречување на пневмонија кај децата
Американскиот центар за контрола и превенција на болести (ЦДЦ) препорачува вакцинирање на децата со вакцината PVC13. Тоа помага да се спречи развојот на пневмонија кај деца на возраст од две години и помлади. „13“ во вакцината PVC13 значи дека ги брани децата од 13 варијации на пневмококната болест.
Децата може да почнат да примаат дози од вакцината PVC13 кога ќе наполнат два месеца. После тоа, тие треба периодично да примаат бустер дози додека не наполнат 15 месеци. Потребна е само една доза PVC13 за имунизација на деца на возраст од 2 до 5 години кои претходно не ја примиле вакцината. Истото важи и за децата на возраст од 2 до 18 години кои имаат одредени медицински состојби и никогаш не примиле PVC13 вакцина.
Вакцината PPV23 исто така се препорачува за деца на возраст од 2 до 5 години кои имаат поголем ризик од развој на пневмонија, вклучително и оние кои имаат:
- Срцева болест;
- Заболување на белите дробови;
- Проблеми со бубрезите;
- Српеста анемија;
- ХИВ;
- Трансплантиран орган.
(WebMB)
Извори:
- Centers for Disease Control and Prevention: “Fast Facts You Need to Know about Pneumococcal Disease”
- American Academy of Pediatrics: “Pneumonia”
- Merck Manual: “Overview of Pneumonia”
- Cedars-Sinai: “Pneumonia in Children”
