Се уште не верувате во COVID-19?! Замислете се во кожата на пациентите кои лежат со денови во болница, порачуваат психолозите

Сето ова се претвори во хроничен стрес кој трае веќе осум месеци. Веројатно кај некои луѓе, покрај анксиозност постепено се развиваат и одредени депресивни елементи затоа што се чувствуваат беспомошно пред пандемијата, вели проф. д-р сци. Гордана Кутеровац-Јагодиќ, психолог

Тешко болен пациент од COVID-19

♦♦♦♦♦♦♦

Проф. д-р сци. Гордана Кутеровац-Јагодиќ, психолог од Филозофскиот факултет во Загреб, која правела истражување за влијанието на пандемијата COVID-19 врз луѓето, вели дека на почетокот сето ова изгледало како краткорочен стрес со кој лесно би се справиле со зголемени психолошки механизми на соочување.

„Меѓутоа, ова се претвори во хроничен стрес кој трае веќе осум месеци. Веројатно кај некои луѓе, покрај анксиозност постепено се развиваат и одредени депресивни елементи затоа што се чувствуваат беспомошно пред епидемијата“, вели Гордана Кутеровац-Јагодиќ за НОВА ТВ.

Проф. д-р сци. Гордана Кутеровац-Јагодиќ

„Имаме три групи на луѓе. Повеќето од нив се загрижени, ги загрижува ова секојдневно зголемување на бројката на заразени, тешко болни и починати граѓани, па затоа се обидуваат да се придржуваат до сите можни мерки и на некој начин да одржуваат нормален живот“, вели таа.

Одредена група ја негира сериозноста на ситуацијата

Хрватскиот психолог наведува дека има и луѓе кои се многу исплашени, па затоа се повлекле.

„Имаме и трети лица, кои во оваа ситуација ја негираат сериозноста на ситуацијата, ја негираат потребата да се користи заштитна опрема и на тој начин им го отежнуваат на сите други луѓе соочувањето со оваа ситуација“, објаснува Кутеровац-Јагодиќ.

„Мислам дека е потребно некако да се замислат, треба да се запрашаат како е во туѓа кожа. Нека се запрашаат како би било да поминат повеќе ноќи не на концерт или на некој спортски настан, туку болни во болница. Не е добро да се плашат луѓето, но треба да сфатат дека со мали мерки може набрзо да се капитализира нашиот труд“, додава Кутеровац-Јагодиќ.