СÈ УШТЕ СО МАЈКАТА ЖИВЕАТ ВО БОЛНИЦА: Единствената деветорка на светот го прослави својот прв роденден

Кога се родиле, бебињата тежеле помеѓу 500гр и еден килограм.

Единствената деветорка на светот, вчера наполни една година, а она што е најважно, на нивниот голем ден се совршено здрави.

Нивниот татко, Абделкакадер Арби, официр во војската Мали, открива како напредуваат децата, но и како неговата сопруга Халими Сисе се “бори“ со девет деца.

“Сите веќе лазат. Некои од нив дури може и да одат ако се придржуваат за нешто. На Халими не и е лесно, но добро се држи. Дури и ако понекогаш и е напорно, кога ќе ги погледеме сите бебиња како се здрави, чувствуваме олеснување. Се друго се заборава“, вели гордиот татко.

Инаку, мајката и бебињата живеат во одделно наместен стан кој се наоѓа во клиниката во која се родени деветте бебиња и се под постојан лекарски надзор. За вчерашниот роденден им се придружиле и таткото и нивната тригодишна сестра.

“Пресреќен сум што повторно сме сите заедно“, кусо изјавил таткото, додавајќи дека прославата на роденденот ја организарала болницата.

Абделкакадер и неговата сопруга Халими имаат и тригодишна ќерка.

Оваа деветорка го држи светскиот рекорд кога се работи за најголем број родени деца при едно породување, а притоа сите да преживеат. Претходниот рекорд го држеа осум бебиња родени во 2009 година.

Деветорката, пет девојчиња и четири момчиња се родени во 30. недела, а кога дошле на свет имале помеѓу 500гр и еден килограм. Децата се родени со царски рез.

“Сите имаат различни карактери. Некои се тивки, додека други се гласни и многу плачат. Некои постојано сакаат да бидат во раце“, вели таткото и додава дека сите во Мали со нетрпение чекаат да ги видат децата.